أخيراً اعترافات حركة 6 إبريل كاملة تحت ضغوط من أبناء مبارك!! وحصرياً

عزيزي عضو اللجنة الالكترونية \أبناء المخلوع \ محبي المجلس العسكري \
متظاهرين مصطفى محمود.- \ روكسي \ عباسية \ اعضاء حركة كفاية حرام عليكو
خربتوا البلد

\

احنا هنقصر عليكم المسافات وهنعترف على نفسنا ..

ايوه يا سيدي احنا السبب في كل حاجة !

احنا اللي خربنا البلد ودمرناها بعد ما كانت بتنافس باريس وسويسرا .

احنا اللي فقرنا المواطن وغلينا عليه الأكل والشرب واللبس ورخصنا قيمته .

احنا اللي سرقنا البلد ونهبنا ثرواتها .. احنا شلة العصابة اللي مسكنا الحكم ودمرنا كل حاجة في البلد .

احنا اللي أصدرنا أوامر للشرطة بتعذيب واهانة كل مصري يدخل قسم الشرطة .

بصراحة كمان .. احنا كنا ناويين نورث السُلطة لأولادنا !
------------------------------

--
ايوه
... احنا السبب في احتراق 1000 مواطن في قطر الصعيد ومحدش اتحاسب , واحنا
السبب في غرق 1100 مصري في العبارة .. وبرضه محدش اتحاكم ... واحنا كمان
السبب في كارثة الدويقة وغيرها وغيرها .

لو تعرف واحد من
الملايين المصابين بالسرطان او الأوبئة >>>> قول له ان حركة 6
ابريل هي السبب في دخول الكيماويات المسرطنه للبلد .

بصوا كدا
... (بأوامر اسرائيل) احنا اللي كلفنا النظام انه يعمل على انهيار مصر
الاقتصادي والاجتماعي لدرجة انها تتسول المياه من الدول الافريقية !

-------------------------
نقوللكم حاجه كمان مش هتصدقوها ؟

احنا اللي بعنا غاز مصر لأسرائيل .. أصلنا عملاء أبا عن جد ... عادي بقى البلد بلدنا وكنا بنتصرف فيها كأنها املاكنا الخاصة .

وبالنسبة للتمويل ؟؟ !

احنا بيجي لنا كل سنة معونة امريكية.. مليار و500 مليون دولار (محدش يعرف عنهم حاجة) وبنشتري بيهم سلاح من امريكا كمان .

ايوه
احنا ممولين وعملاء ... ولأننا جامدين جدا .. محدش في مصر قادر يثبت علينا
حاجة .. لا النائب العام قادر يثبت ولا المخابرات العامة ولا المخابرات
الحربية ولا المباحث العسكرية ولاحتى جهاز أمن الدولة , ولا البنك المركزي
نفسه قادر يثبت علينا حاجة !

------------------------------

---

نزيدكم من الشعر بيت ؟
لما شوية العيال ( الممولين بتوع الاجندات البلطجية اللي عملوا علينا ثورة) .. قررنا اننا نهرب ثروات مصر للخارج ومش هنرجعها !

وقررنا بعد الثورة .. اننا نعاقب شعب مصر بأكمله على الثورة اللي قام بيها ..

ايوه .... احنا اللي سيبنا البلطجية تقتل وتسرق وتذبح المصريين سنة كاملة .. علشان يخضعوا لينا في الاخر .

ايوه .. احنا اللي غلينا الاسعار للضعف بعد الثورة ... علشان تقولوا ولا يوم من ايامك يا مبارك .

ولما
شوية العيال (البلطجية اللصوص الممولين الاجندات الجواسيس ) فضلوا مكملين
.... وبسببهم بدأنا نتنازل كتير .... كان لازم نوقفهم عند حدهم

وكان
الضرب بيد من حديد .. بعتنا لهم مدرعات تدوسهم , وبعتنا الجنود الأشاوس
يعروا البنات ... ماتخافوش .. كله في سبيل مصر وحمايتها من العيال دي !

ونهيب
بالسادة المواطنين الشرفاء ... أن يستمروا في سبابهم لنا فنحن -كما
اعترفنا- السبب في كل ما كانوا يعانوا منه .. وان يستمروا في الدفاع عن
نظام مبارك الشريف العفيف ومجلس مبارك ... مبارك ضحيتنا نحن العملاء
المخربين .. مبارك الذي طالب بحريتكم .. مبارك الذي جعل لكم صوت انتخابي
وكلمة مسموعة .. مبارك الذي يناضل يوميا من اجل حقوقكم
==============================

==

ملحوظة : يرجي طباعه هذا الاعتراف وتقديمة للنائب العام

_________________

طريقة التحميل من الروابط
نضغط على الرابط وننتظر 5 ثوانى
يظهر مربع أصفر فى الركن الايمن العلوى
نضغط عليه نصبح فى صفحة التحميل

أنتظر العد التنازلى = 5 ثوانى
أضغط على كلمة Skip Ad

و هتلاقى نفسك دخلت الموقع

» حرمنا أبناء مبارك وعملاء أمريكا واسرائيل من الاحتفال بالذكرى الأولى لخلع مبارك
» بيان حركة شباب 6 إبريل- حول اشتباكات العباسية
» أبناء مبارك يجمعون التوكيلات لترشيحه لرئاسة مصر